مشروع البراءة

مشروع البراءة
هو مشروع العمر
مشروع حياة أو موت
مشروع شهادة ربانية من الله الملك إلى عبده الفقير اللى هو أنت..بأنك معتوق من النار
أيوه...النار
يعنى تكمل حياتك وأنته حاطط فى بطنك بإذن الله بطيخة صيفى
يعنى معدى معدى
عايز تعرف إزاى
أقولك..شوف ياريس...

نبينا صلى الله عليه وسلم يقول:من صلى لله أربعين يوما في جماعة يدرك التكبيرة الأولى كتبت له براءتان براءة من النار وبراءة من النفاق"

ممكن تقول أن الموضوع صعب
بل مستحيل
لكن صدقنى هو سهل جدا
لأنك قدامك تلتين يوم فى رمضان أدراك التكبيرة الأولى سهل جدا..وصلاة الفجر اللى بتضيع من كتير مننا فى الأيام العادية بنحافظ عليها كلنا فى رمضان
يبقى كل المطلوب منك تحافظ على 10 أيام من آخر شعبان على تكبيرة الأحرام
ولازم من شعبان علشان لو فلت منك حاجه دلوقتى تعرف تكملها بعد رمضان

بس لازم..ولابد..أنك تحرص على الآتى:
1-التجهز لصلاة الفريضة قبل الوقت بعشر دقائق من دخوله على الأقل
2-النزول للمسجد مع الأذان لأن مفيش أى فرصة لأحتمالات التأخير
3-الأستعانة بالله عز وجل والدعاء بصدق أن يوفقك
4-تقديم الصلاة ودخول وقتها على كل شئ..متش..ضيوف..أى حاجه
5-نشر المشروع فى من حولك وبين أصدقائك وتكوين مجموعة للتعاون على أداء المشروع
6-كتابة جدول بالأيام والتعليم فيه يوميا
7-أطلب من والدتك وأخوتك فى البيت أن يذكروك ويعينوك
وفى النهايه..فنسأل الله أن يعيننا على نيل هذه الشهاده الربانيه وان يجعلنا ممن قال فيهم:
إن الذين سبقت لهم منا الحسنى أولئك عنها مبعدون لايسمعون حسيسها وهم فيما اشتهت أنفسهم خالدون لايحزنهم الفزع الأكبر وتتلقاهم الملائكة هذا يومكم الذى توعدون