سجل يومياتك ومزكراتك هنا**بس بصراحه**دعوه مفتوحه للمشاركه**

العيلة دى اسمها إيه . ؟

WebMaster EgypTa كتب:

العيلة دى اسمها إيه . ؟

اسمها ابناء المحموديه...
الاسم عاجب حضرتك ولا نغيره؟؟؟؟
ياريت لو في اي اعتراض تقول.........

بعد الرد ده مقدرش أعترض يا أستاذة .

طيب لو أنا كنت نساى و مش بفتكر كويس ,
بجد عندى مشكلة فى موضوع الذاكرة و المواقف .

إيه الحل ..

WebMaster EgypTa كتب:

طيب لو أنا كنت نساى و مش بفتكر كويس ,
بجد عندى مشكلة فى موضوع الذاكرة و المواقف .

إيه الحل ..

لو فيه اي حاجه مهمه في حياتك وعايز تفتكرها وخايف انها تضيع او تنساها ..........اكتبها

وبكده مش هتنسي الحاجات والمواقف المهمه في حياتك

فكرة مبدعه يا موى فكرتك دى احيكى عليها بجد

فكرة جميلة بس مين عندة الجراءة
مين هيبداء

بكاء يملأ عقلي وتسجنه عيناي بعيدا عن الناظرين


..............

دخان يمنعني من رؤية الضياء قبل أن يحل الظلام


جفاء يحيل مذاق الحياة مرا










حينما أختنق وأظن السوء










لا يروح عني الا تذكري


أن الله يراني ...فيقدر عملي وان لم يقدره البشر

أنه عادل...فيجازيني خيرا مما منع مني

أنه كرييييييييم...فيزيدني فضلا من عنده

....

فيبتسم قلبي وتعاودني همتي

فلأعمل لأن الله وحده من يجازيني...

......


أحبك ياربي لأنك أنت ربي

هل هذة كلامتك
من نظمك احساسك الذى كتبتية
ام منقول

انا اول واحد هيبداء
اليوم الثلاثاء
8/7/2008
صحيت من النوم

عادى ذى كل يوم
غصبن عنى لانى بردة
ذى كل يوم بنام متأخر
صليت ركعتين
ولبست بسرعه
وطيران على شغلى
قابلت شخصية انهاردة فى الشغل صعبة جدا موظف
بيتفنن فى الاذية مش عارف اعمل معاه اية عبد للروتين
اصبر علية ولا انفجر فية مش عارف
كنت بحاول اخد حقى فى امر معين
ولامور مش ماشيه خالص فجاة افتكرت انى ممكن اكون اذنبت ذنب
وهو اللى معقدلى الموضوع يعنى ممكن يكون العيب من عندى
استغفرت ربنا
ورحتله قولتله حديث النبى صلى الله عليه وسلم
من ادخل السعادة على بيت من المسلمين لم يجد الله له جزاء الا الجنة
والله لان ونفذلى اللى انا عايزة رغم انى كنت ظنيت ان الموضوع اتقفل تماما

يوم من العمل الشاق

يوم من العمل الشاق

يوم من العمل الشاق

يوم جميل فى حياتى ..
اتعلمت فيه إزاى أبنى الجدار على الأوتوكاد و أرفعه و أعمله إتحاد مع جدرات تانية و إزاى أفتح فتحة شباك فى رسمة الجدار ..
لقيت نفسى عملت غرفة جميلة قوى فيها باب و شباك مفتوح جميل خالص ..

انا مش مشجع هذه الفكرة

hinger كتب:

انا مش مشجع هذه الفكرة

ليه بس مش مشجع الفكره دي
انا شايفه انها كويسه وخصوصا ان محدش فينا عارف شخصيه التاني الحقيقيه
يعني ممكن تكتب اللي جواك كانك بتفضفض يعني واكيد هتلاقي ناس جنبك
احيانا بيكون الواحد عايز يتكلم مع اي حد ومش بيلاقي
الموضوع ده بقي عشان كده

نبض القلم كتب:

انا اول واحد هيبداء
اليوم الثلاثاء
8/7/2008
صحيت من النوم

عادى ذى كل يوم
غصبن عنى لانى بردة
ذى كل يوم بنام متأخر
صليت ركعتين
ولبست بسرعه
وطيران على شغلى
قابلت شخصية انهاردة فى الشغل صعبة جدا موظف
بيتفنن فى الاذية مش عارف اعمل معاه اية عبد للروتين
اصبر علية ولا انفجر فية مش عارف
كنت بحاول اخد حقى فى امر معين
ولامور مش ماشيه خالص فجاة افتكرت انى ممكن اكون اذنبت ذنب
وهو اللى معقدلى الموضوع يعنى ممكن يكون العيب من عندى
استغفرت ربنا
ورحتله قولتله حديث النبى صلى الله عليه وسلم
من ادخل السعادة على بيت من المسلمين لم يجد الله له جزاء الا الجنة
والله لان ونفذلى اللى انا عايزة رغم انى كنت ظنيت ان الموضوع اتقفل تماما

الحمد لله انك خلصت اللي انت عايزه منه

هيه دي متاعب الشغل انك بتقابل شخصيات كتيره مش كويسه وشخصيات كويسه

الحمد لله وربنا معاك دايما طول ما انت علي حق

WebMaster EgypTa كتب:

يوم جميل فى حياتى ..
اتعلمت فيه إزاى أبنى الجدار على الأوتوكاد و أرفعه و أعمله إتحاد مع جدرات تانية و إزاى أفتح فتحة شباك فى رسمة الجدار ..
لقيت نفسى عملت غرفة جميلة قوى فيها باب و شباك مفتوح جميل خالص ..

الحمد لله انه كان يوم حلو
يارب ايامك كلها تبقي حلوه كده

moy86 كتب:

hinger كتب:

انا مش مشجع هذه الفكرة

ليه بس مش مشجع الفكره دي
انا شايفه انها كويسه وخصوصا ان محدش فينا عارف شخصيه التاني الحقيقيه
يعني ممكن تكتب اللي جواك كانك بتفضفض يعني واكيد هتلاقي ناس جنبك
احيانا بيكون الواحد عايز يتكلم مع اي حد ومش بيلاقي
الموضوع ده بقي عشان كده

فانا ارى ان ذلك مضيعة للوقت
فالفضفضة دى تكون لها وقتها ولكن الاستشارة افضل
ممكن نستشير بعض فى كيفية حل مشكلة او امر معين
ونتبادل الاراء هذا من وجهة نظرى
والله المستعان

hinger كتب:

moy86 كتب:

hinger كتب:

انا مش مشجع هذه الفكرة

ليه بس مش مشجع الفكره دي
انا شايفه انها كويسه وخصوصا ان محدش فينا عارف شخصيه التاني الحقيقيه
يعني ممكن تكتب اللي جواك كانك بتفضفض يعني واكيد هتلاقي ناس جنبك
احيانا بيكون الواحد عايز يتكلم مع اي حد ومش بيلاقي
الموضوع ده بقي عشان كده

فانا ارى ان ذلك مضيعة للوقت
فالفضفضة دى تكون لها وقتها ولكن الاستشارة افضل
ممكن نستشير بعض فى كيفية حل مشكلة او امر معين
ونتبادل الاراء هذا من وجهة نظرى
والله المستعان

بالعكس عمر الفضفضه ما كانت مضيعه للوقت بالعكس اي شخص لما بيحكي اللي مضايقه بيرتاح
لو كان حضرتك عايز تسميها استشاره ده مش فارق في حاجه المهم اننا نقف جنب بعض او علي الاقل نتعلم من المواقف اللي بيحكيها باقي الاعضاء ونستفيد منها علي قد ما نقدر

أشعر دائماً فى هذه الحياة أننى فى سجن وأنها لا تساوى شيئاً من الغضب او حتى دمعة من عيني
لكننى اغضب غضباً شديداً عندما أعلم ان ما فعلته يغضب ربى وهذا هو الشىء الوحيد الذى يحتاج الى رجوع الى الله
وأفرح وابتسم عندما اعلم ان ما فعلته خير وانه يساعدنى على دخول الجنة
هدفى وأملى الكبير هو أن أرى وجه الله ووجه رسوله واعلم بأن جنة الفردوس الأعلى قد كتبت لى

والله أنا أيامي من ساعة ما بدأت الأجازة
مملة بشكل فظيع
بس الحمد لله سمحتلي إن أصلي كل الصلوات في المسجد
بس مش عارف أغلب اليوم عندي كله نوم في نوم
لا عارف أقرأ كتاب ولا عارف أعمل حاجة
بس الحمد لله من يومين بدأت يعني أخف شوية
لو حد عنده حل كويس للمشكلة دي يفيدني ويفيد المنتدى كله
وله جزيل الشغل

الكنج كتب:

هل هذة كلامتك
من نظمك احساسك الذى كتبتية
ام منقول

ليس منقول ولا منظوم

انها خواطر أثارها موقف عابر فكتبتها د











.

WebMaster EgypTa كتب:

يوم جميل فى حياتى ..
اتعلمت فيه إزاى أبنى الجدار على الأوتوكاد و أرفعه و أعمله إتحاد مع جدرات تانية و إزاى أفتح فتحة شباك فى رسمة الجدار ..
لقيت نفسى عملت غرفة جميلة قوى فيها باب و شباك مفتوح جميل خالص ..

أضحك الله سنك

حاسة اني بتفرج علي بنا وهو بيحط الاسمنت والطوب


عقبال ماتكمل العمارة ان شاء الله

الفجر الباسم كتب:

والله أنا أيامي من ساعة ما بدأت الأجازة
مملة بشكل فظيع
بس الحمد لله سمحتلي إن أصلي كل الصلوات في المسجد
بس مش عارف أغلب اليوم عندي كله نوم في نوم
لا عارف أقرأ كتاب ولا عارف أعمل حاجة
بس الحمد لله من يومين بدأت يعني أخف شوية
لو حد عنده حل كويس للمشكلة دي يفيدني ويفيد المنتدى كله
وله جزيل الشغل

ان كان علي الحل موجود ان شاء الله

بس ياتري فيه الهمة اللي تنفذه ؟؟؟