الست جزمة
يا ريتها كانت طلقة رصاص
او حتى مدفع امضاء حماس
يا ريتها كانت الست جزمة
نووية كانت برباط وناسفة
ياريتها كانت لكل ظالم
حاكم بامرة مالوهش لازمة
يا زيدى يالى رفعت راسنا
شفيت صدور العالم بجزمة
دا الكل خايف ينطق يقول
وصاحبنا داير يصول يجول
ولاحد همة بيدوس علينا
لا وزن لينا ولا حتى قيمة
وانت اللى راجل فى وسط امة
وسط المخاطر عليت بهمة
يا كلب وسع وشوف مقامك
على نعل جزمة هيكون
مكانك
والكل صور والكل شافك
والكل حوط عليك وخافك
والبعض قالك اصل الضيافة
والبعض قالك اية الجديد
والبعض قالك اصل الصحافة
كلام ورغى كدا من بعيد
والبعض شتمك والبعض ايد
والبعض شافك بطل وعيد
ولا حد منهم يقدر يجيد
غير نقد سلبى فعل البليد
ما انت الشهيد لومت يعنى
وانت البطل لو عشت يا بنى
تسلم يمينك وكل فردة
تبوس قفاهم الست جزمة
شعر زكى خلفة