طرائف الامتحانات.. الضحك في الوقت الضائع

غالبًا ما يرتبط الحزن والكآبة والمرض بفترة الامتحانات، فهي الفترة التي دائمًا ما ينشغل بال الطالب أو الطالبة فيها بالامتحان وشكله والأسئلة المتوقعة وهكذا، بالإضافةِ إلى جوٍّ من القلق والأرق والعصبية وعدم التركيز أثناء فترة المذاكرة...

ولكن ليس هذا فقط هو حال الطلاب في الامتحانات، فعلى الرغم من كل هذه السوداوية تجد الطرائف والفكاهة تتخلل هذا الجو، فتجد مَن ينام أمام ورقة الامتحان، وهناك مَن يدخل لجنته ولا يعرف أين سيجلس، وتجد ثالثًا يذهب ليمتحن مادةً غير مادةِ الامتحان المقررة.. لتظل البسمة والبهجة على وجوههم رغم القلق الذى يُحيط بهم في هذه الفترة.

بدأت سعاد السيد- طالبة كلية التجارة- بسرد الطرائف التي لاقتها أثناء فترة الامتحانات فقالت إنها في أحد امتحانات المحاسبة، وفي ظل تركيزها في المادة؛ فالامتحان طويل ومليء بالنقاط الغامضة، وفي جوٍّ من الهدوء الموجود في قاعة الامتحان تجد زميلتها التي تجلس بجانبها تصرخ بأعلى صوتٍ "أنا عايزة ماما.. هاتولي ماما.. يا ماما" ليحضر المراقب والمعيد ودكتور المادة ويحاولوا تهدئتها فتصرخ فيهم مرةً أخرى "ابعدوا عني.. أنا عايزة ماما" لِتُخرج كل الطلابِ والطالبات في القاعة من تركيزهم في الحل وتُضيِّع عليهم ما يقرب من الربع ساعة.

وننتظر ردودكم الجميلة

والله انا امبارح في الامتحان كنت حاسه ان هيحصلي حاجه انا بمتحن في الدور السادس علي ما الورق طلع فوق بجد لينا كانت اعصابنا بدات تبوظ خالص يعني الامتحان بدا الساعه 3 واحنا والله ابتدينا اجابه الساعه 4 الا ربع بجد ربنا يستر بقي علي اللي كتبناه
بس بعد ما الورقه جات ولقيت الاسئله الي حد ما جميله بدات احل ونسيت كل ده بس والله في الشويه اللي في الاول دول كنت هموت وانام لدرجه اني كنت بفكر اقول للمراقب انه انام شويه ويبقي يصحيني

أنا مرة كان عندى امتحان تربوى - و ليلة التربوى مش بعرف أنام , براجع يعنى لحد اللجنة -
رحت الإمتحان و أنا بكتب فى ورقة الإجابة و بمشى بالقلم عينى تغمض - أفتحها ألاقى نفسى كاتب ( ملوخية ) و مرة كاتب ( مثلث متساوى الأضلاع ) و أنا م و أنا بكتب و أصحى .

WebMaster EgypTa كتب:

أنا مرة كان عندى امتحان تربوى - و ليلة التربوى مش بعرف أنام , براجع يعنى لحد اللجنة -
رحت الإمتحان و أنا بكتب فى ورقة الإجابة و بمشى بالقلم عينى تغمض - أفتحها ألاقى نفسى كاتب ( ملوخية ) و مرة كاتب ( مثلث متساوى الأضلاع ) و أنا م و أنا بكتب و أصحى .

لأ جامدة