رمضان قرب... هنعمل ايه؟؟؟؟؟؟؟؟؟

السلام عليكم على احلى ناس

يا جماعه رمضان قرب يا ترى ايه ممكن نعمله فى الشهر الكريم ده يقربنا من ربنا اكتر غير طبعا الصلاه و الصوم و قراءه القراءن

انا بتكلم عن مشروعات الخير

افطار الصائمين

زياره الايتام

حاجات من ديه

انا عايزه كل واحد يدخل يقولنا فكره سواء بيعملها او بيبفكر فيها

اكيد هتفيد غيره

عالعموم انا حبتدى بنفسى انا و اصحابى وجيرانى الحمد لله يا رب

متعودين نعمل للناس فطار فى الشارع وقت الاذان

مش لحمه و رز و خضار و كده

لا حاجات خفيفه على اد امكانيتنا

يعنى كيس مليان بلح و ممكن فطيره صغيره و كوبايه عصير تمر

حاجات من ديه حسب مالفلوس تتيسر

متتصوروش احساس الموضوع ده حلو اد ايه

والله متعه غير طبيعيه عمل الخير ده

يالا عايزين نتشجع كلنا و نعمل شغل عالى السنه دى مش لازم انام قبل الفطار

يا رب يكون رمضان ده انشاء الله و قت تغير فى انفسنا
و نراعى ربنا و نبص للاقل مننا فيه كتير اوى يا جماعه

و عن تجربه مشاكلك هتحسها تافهه لما تعمل خير وتشوف الفرحه فى عيون الايتام او المساكين

لما يتعملهم حاجه تفرحهم

يا رب

اجعل السنه كلها زى اخلباقنا فى رمضان

و اكرمنا فى رمضان يا اكرم الاكرمين

مستنيه افكارك