منتدى أبناء المحمودية

ادب وشعر وموسيقى وفن ورسم قصه وروايه
 
الرئيسيةمكتبة الصوربحـثالأعضاءس .و .جالمجموعاتالتسجيلدخولحمل من هناحمل من هنا
مرحباً بكم ... نرحب بكل الأعضاء المتواجدون حالياً والجدد

شاطر | 
 

 عايز اطلع بطاقة انتخابية "قصه قصيرة"

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابوتريكة

avatar

عدد المساهمات : 10
تاريخ التسجيل : 11/06/2008
العمر : 31

مُساهمةموضوع: عايز اطلع بطاقة انتخابية "قصه قصيرة"   الأربعاء يونيو 11, 2008 9:12 pm

المشهد الأول قسم الشرطه:
- لو سمحت يا عمو عايز اطلع بطاقه انتخابية
- عمو.....! عمو إيه يابنى انت في محل بقال؟ وبعدين بطاقه انتخابية إيه؟
- الانتخابات على الأبواب وكنت عايز أدلي بصوتي في الانتخابات اللي جايه
- تدلى بصوتك ليه؟ انت عندك كام سنه؟
- 20سنه
- خلاص معاك بطاقه؟
- ايوة اتفضل
- ايه دى يابنى دى بطاقه قديمه أنا عايز بطاقه رقم قومي
- اللي هي ايه؟
- من اللي الناس صورهم فيها تحس إنها متخلفة عقليا
- ايوه عرفتها... ودى منين حضرتك؟
-حضرتك.. حلوة حضرتك دى ....هاقولك يابنى تتعمل ازاى....(وش وش وش وش ) ..فهمت؟
- ايوة شكرا...دى الوصفة سهله...دى الوصفة هايله
- طيب ... مع السلامة يا ابو عمه مايله
المشهد الثاني أوبريت الليلة الكبيرة....آسف في السجل المدني:
وأنا ماشى أمام شباك السجل المدني آلاف من المواطنين يتدافعون لمحاولة الوصول إلى أول الصف الذي لم يبدء أحد في تنظيمه وكل منهم يمنى نفسه إن يبص له موظف السجل المدني انشاالله حتى بقرف.
وبعد 5ايام من الزحام وصلت لموظف السجل المدني وقدمت له الورق
- كنت عايز اطلع بطاقه رقم قومي
- ماقدرشى أصورك في البطاقة وانت مربى دقنك طلعه كده دى محتاجة إذن من أمن الدولة*(1)
- أنا مش مربى دقنى ده هي اللي طلعت على بال ما وصلت لك أنا في الصف من 5 أيام
- عموما لف لى احنا عاملين حسابنا (مستديرا إلى شخص بالداخل_ يا على جهز الموس )
دخلت المكتب من الداخل واكتشفت إن مش مجرد على بس اللي بيحلق جوه ده فيه كمان فريده الكوافيره اللي بتعمل ماكياج للسيدات وفورمه شعر قبل ما يتصوروا للبطاقة
- لو سمحت مين اللي هيصورنى؟
- أنا طبعا
- انت برضه يا على...!
- بلاش غلبه..بص للكاميرا..اطلق خيالك في العنان..بص العصفورة..خلاص
- ممكن أشوف الصورة ....يمكن تكون مش حلوه
- يلا ياله من هنا...اللي بعده
بعد أسبوعين في السجل المدني تانى
- لو سمحت البطاقة بتاعتى هاستلمها النهارده
- هات الوصل ..يلا يابنى بسرعة..انت بطيء ليه
- أنا مادد ايدى بالوصل من الصبح انت اللي مش باصص خالص
- خلاص ( بعد ساعه ونص ) امسك البطاقة
كان نفسي أشوف صورتي بس بعد ما دققت فيها شويه والحق يقال تحس إنها شكل البنئادمين بالظبط
المشهد الرابع قسم الشرطه:
- لو سمحت حضرتك طلبت منى بطاقه الرقم القومي عشان تطلع لى بطاقه انتخابية
- ااااه افتكرتك....خد ال 50 ورقه دول املاهم وبعدين ارجع لى
وبعد ساعتين:
- البطاقة الانتخابية اهيه..بس ابصم لنا هنا بصوبع رجلك الكبير..ايوه هنا
- بس كده خلصت
- لا لسه ابصم لنا هنا بودنك اليمين
- ودنى ايه يا حضره الظابط؟؟؟!!!
- ايوه ودنك..انت ما تعرفش إن بصمه الودن مش ممكن تتقلد انت ما بتقراش ادهم صبري ولا ايه؟
- زي ما حضرتك عايز(و أخيرا البطاقة... دلوقتى هاأدى الواجب الوطني لوحدى)
المشهد الخامس لجنه الانتخابات:
- انت ياله رايح فين؟؟؟
نظرت خلفي بدهشة من صاحب الصوت الغليظ ...تقريبا هوة بلطجى وبلعت ريقي ..وبكل شجاعة
- رايح أصوت في الانتخابات
- لو ما مشيتش هاخليك تصوت مكانك..روح بيتكم ما حدش داخل اللجنة دى يعمل حاجه..أنا الفلوس اللي قابضها قابضها عشان امنع أي حد يدخل اللجنة
- (بصوت منخفض هامسا لنفسي) ايه ده بلطجى وكمان أهبل..لا دى احلوت قوى
- انت لسه واقف يابن ال..........( املأ مكان الفراغ بكلمه مناسبة -ثانوية عامه 98
- أنا ماشي خلاص مش رايح اللجنة (اهيء ..اهيء .. اهيء)
اصحى الساعة بقت 12
- كويس انك صحتينى من النوم يا ماما كنت باحلم بكابوس..بس كويس إني صحيت عشان ارجع للعصر بتاعنا تانى (أزهى عصور الديمقراطية)
*ملحوظة:
هذا الحلم ليس من وقائع الملفات المصرية ولا هو بجد ولا بحق وحقيقي
واللي يصدقه إما حاسد أو حاقد أو اهبل لأن اللي حصل للبطل ما يطلعش
واحد في الميه من اللي بيحصل في الحقيقة
------------------------------------------
(1) *حقيقة: حيث لا يتم تصوير بعض الشباب الملتزم الذي يقوم بتربيه لحيته اقتداء برسول الله(ص) في البطاقة إلا بعد حلقها أو تركها مع اخذ إذن من أمن الدولة ولا حول ولا قوة إلا بالله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.amrkhaled.net
moy86
محمداوى بريمو
محمداوى بريمو
avatar

عدد المساهمات : 421
تاريخ التسجيل : 23/05/2008
العمر : 30
الموقع : www.link0777.com

مُساهمةموضوع: رد: عايز اطلع بطاقة انتخابية "قصه قصيرة"   الخميس يونيو 12, 2008 3:26 pm

بجد القصه جامده جدااااااااااااااااااا
انا قريتها وعجبتني اوي اوي
لانها فعلا بتبين واقع احنا شايفينه وحاسينه قدامنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
EgypTa
محمداوى بريمو
محمداوى بريمو
avatar

عدد المساهمات : 355
تاريخ التسجيل : 08/06/2008
العمر : 32

مُساهمةموضوع: رد: عايز اطلع بطاقة انتخابية "قصه قصيرة"   السبت يونيو 14, 2008 9:04 am

اقتباس :
بجد القصه جامده جدااااااااااااااااااا
انا قريتها وعجبتني اوي اوي
لانها فعلا بتبين واقع احنا شايفينه وحاسينه قدامنا


عدل سابقا من قبل حدوتة مصرية في الإثنين يونيو 16, 2008 2:28 pm عدل 1 مرات (السبب : توضيح الاقتباس ...)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الكنج
محمداوى ايجابى
محمداوى  ايجابى
avatar

عدد المساهمات : 53
تاريخ التسجيل : 21/05/2008
العمر : 47

مُساهمةموضوع: رد: عايز اطلع بطاقة انتخابية "قصه قصيرة"   الثلاثاء يوليو 08, 2008 6:33 am

قصة جميلة بس
ياريت نعرف انت اللى مالفها ولا منقوله
عشان نتكلم فى الفنيات
بتاعة القصة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابوتريكة

avatar

عدد المساهمات : 10
تاريخ التسجيل : 11/06/2008
العمر : 31

مُساهمةموضوع: رد: عايز اطلع بطاقة انتخابية "قصه قصيرة"   الخميس يوليو 24, 2008 7:49 am

انا اللى مألفها والله
بس انا فعلا حاططها على اكتر من منتدى فممكن تكون قريتها في قهوة كتكوت او منتدى تانى
بس بجد كلها من بنات افكاري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.amrkhaled.net
نبض القلم
محموداوى صح
محموداوى صح
avatar

عدد المساهمات : 204
تاريخ التسجيل : 17/05/2008
العمر : 42

مُساهمةموضوع: رد: عايز اطلع بطاقة انتخابية "قصه قصيرة"   الجمعة أغسطس 08, 2008 6:37 am

الله ينور على بناتك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elmahmodea.yoo7.com
 
عايز اطلع بطاقة انتخابية "قصه قصيرة"
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» فوائد الفلفل البارد او "الفلفل الرومي"
» مشاكل المفاصل " موضوع يهمك "
» تجنبي أسئلة "العكننة" الزوجية
» °¨°°o°°¨" آآآآآآآآآخر صيحات الشعر القصير °¨°°o°°¨"
» يـلآإ تعـآلو تعلـموا اللغه الإيرآنيــه ^^"

صلاحيات هذا المنتدى:لاتستطيع الرد على المواضيع في هذا المنتدى
منتدى أبناء المحمودية :: نادى الادب :: منتدى االقصاصين والروائين-
انتقل الى: