بس أنا بيتهيأ لى إن الذكاء بينمى بوسائل و أدوات كمان ,
و كأنه عضلة فى جسم الإنسان بيلعب لها تمارين فى الجيم فتزداد ,
تمارين الذكاء بقا و الوسائل المستخدمة له هى الألغاز و الأحجيات ,
اسمعو القصة دى ..
كان فى واحد فى الثانوى العام بتاع المحمودية , كان إنسان عادى جداً - بكل ما تحتويه كلمة عادى من معنى -
كان فى محاضرة - قام المحاضر قايل فكرة إنك تنمى ذكائك بالألغاز دى ( الفكرة اللى أنا قايلها فوق ) الولد دده فعلاً قام شارى كتيب ألغاز صغير من اللى بيتباعو فى المكتبات و بدأ يقعد عليه و يحله و الفكرة اللى مبيعرفهاش بيغشها من الخلف -فى الإجابة يعنى- و بيكتسب فكرة جديدة ,
الولد ده وصل إنه بقى أذكى واحد فى عائلته فى جزئية الألغاز , لقا نفسه متعطش لمجال الأكواد و الألغاز .
دخل فى موضوع برمجة المواقع و البرمجة ( كمبيوتر يعنى ) الكلام ده و هو فى كلية تربية ابتدائى فرع دمنهور , الولد ده بقا اسمه كبير قوى فى الكمبيوتر -فى المحمودية- و خرج للقاهرة و فى مكانه هو التوب فعلأً .
بفضل ربنا ثم المحاضر اللى ألقى الفكرة البسيطة بتاعة تنمية الذكاء بالألغاز أو الأحجيات .
رجاءً من كل أب أو أم يجربوا موضوع الألغاز ده على أولادهم - مشحيخسورا حاجة أبداً
- غير كتاب بــ 2 جنى -