انفجار للشاعر سامح رخا من ابناء المحمودية

[quote=سامح رخا;976454]

"انفجـار"

(1)
لحظة ..

دخول الدبلة ف صباعها ..

لحظة ..هروب الحلم

من جوفي ..

ف نفس لحظة انفجار زغرودة

كرباجها يلسعني ..

يتشرنق الحلم القديم

يدخل بيات ما اعرفلهوش آخر

"قوقع" أنا واقع من على شجرك ..

ولاَّ أنا زهرة نهار

داخل عليها الليل ...

ولاَّ أنا ..

آخر غروب للشمس ..

وارفع غُما الأفكار-

وانفضها عن توبي

تهرب دموعي ..

تجري فوق أرض الفرح ..

ما يحسهاش غيرها ..

وبجرحي "بانسحب"

واسحبني واتسحَّب ..

ترصدني ..

ترمي لي نظرة عتاب ،

أنهد فوق كرسي ..

وابني لي فوق وشِّي

ابتسامة طفل سرقوا لعبته

....
ونعمل اننا بنضحك ..

ونرسم على وشوشنا ابتسامه

"متمكيجه" بصباع الزيف

علشان ماحدش - غيرنا - يلحظ ..

لحظة ..هروب الحلم ..

من جوفي ...
تمت بحمد الله

[/quote]

بجد جامده جدااااااااااااااااا
الله ينور

قصيدة انفجار فعلاً .